Rheolwr Cyflawni

Disgrifiad o'r Swydd

Amcanion

Fel Rheolwr Cyflawni ac aelod o dîm Empyrean, byddwch yn:

1. Atebol am berfformiad y tîm ac am gyflawni nifer o gynhyrchion a gwasanaethau cymhleth, ac uchel eu risg, yn effeithiol i ni ac i'n cleientiaid (Prif)
2. Eiriolwr dros reoli cyflawniad yn ystwyth ac yn meithrin yr arferion gweithredol gorau (Prif)

Tasgau

Mae tasgau wedi cael eu nodi ar gyfer pob amcan.

1. Bod yn atebol am berfformiad y tîm ac am gyflawni nifer o gynhyrchion a gwasanaethau cymhleth, uchel eu risg, cydamserol yn effeithiol i ni ac i'n cleientiaid.
   • Arferion Ystwyth a Darbodus. Rydych chi'n gwybod sut mae hyfforddi ac arwain timau gydag arferion Ystwyth, Rhaeadr, Hybrid a Darbodus. Rydych chi'n arbenigwr sy'n eirioli dros y dulliau hyn, gan fyfyrio ar y tîm a'i herio'n barhaus. Gallwch greu neu deilwra ffyrdd newydd o weithio; rydych chi'n arloesi drwy'r amser.
   • Sgiliau cyfathrebu. Rydych chi'n gallu bod yn ganolwr rhwng pobl a gwella perthnasoedd, gan gyfathrebu â rhanddeiliaid ar bob lefel. Gallwch reoli disgwyliadau rhanddeiliaid a hwyluso trafodaethau ynghylch risg uchel a chymhlethdod, hyd yn oed o fewn amserlenni tyn. Gallwch siarad a chynrychioli'r gymuned i gynulleidfaoedd mawr y tu mewn a'r tu allan i lywodraeth.
   • Peidio â gadael i gyflymder cyflawni arafu. Rydych chi'n gwybod sut mae optimeiddio llif cyflawni timau. Rydych chi'n mynd i'r afael â'r risgiau, y problemau a'r dibyniaethau mwyaf cymhleth, gan gynnwys pan fydd perchnogaeth yn bodoli yn y tîm neu nad oes perchnogaeth glir yn bodoli. Gallwch nodi ffyrdd arloesol o ddatrys problemau.
   • Sicrhau llwyddiant prosiect. Gallwch nodi a herio prosesau sefydliadol o gynyddu cymhlethdod a'r prosesau hynny sy'n gymhleth heb fod rhaid. Gallwch ychwanegu gwerth a hyfforddi'r sefydliad i archwilio a mabwysiadu prosesau. Rydych chi'n gwybod sut mae arwain timau drwy'r gwaith o roi proses newydd ar waith.
   • Cynllunio. Rydych chi'n gwybod sut mae arwain proses gynllunio barhaus mewn amgylchedd cymhleth iawn. Gallwch gynllunio y tu hwnt i gyflawni cynnyrch. Gallwch nodi dibyniaethau mewn cynlluniau ar draws gwasanaethau a chydlynu gwaith cyflawni. Rydych chi'n gwybod sut mae hyfforddi timau eraill fel y pwynt arbenigol canolog.
   • Deinameg y tîm a chydweithio. Gallwch nodi problemau yn neinameg y tîm a'u datrys. Gallwch ddod â phroblemau i'r wyneb drwy daro i mewn â'r tîm yn ystwyth ac ennyn yr ymatebion cywir. Gallwch gymryd rhan mewn gwahanol fathau o adborth, gan ddewis y math priodol ar yr adeg briodol a gwneud yn siŵr bod y drafodaeth a'r penderfyniad yn glynu. Gallwch gyflymu cylch datblygu'r tîm.
   • Rheoli ariannol. Rydych chi'n gwybod sut mae trafod, dylanwadu neu osod cyllidebau mewn amgylcheddau cymhleth. Gallwch ysgrifennu achosion busnes neu gyfrannu atynt, a chyfathrebu cynigion ynghylch gwerth busnes.
   • Safbwynt cylch oes. Gallwch ddefnyddio profiad o wahanol rannau o gylch oes cynnyrch. Gallwch gydnabod yr amser iawn i symud ymlaen a'r amser iawn i oedi. Gallwch adnabod yr elfennau priodol i'w cyflawni a'r bobl gywir i wneud hyn. Gallwch weithio gyda gweithrediadau cyflawni ystwyth eraill drwy gydol cylch oes cynnyrch. Gallwch gynllunio ac ymgysylltu a'r rhanddeiliaid priodol ar gam penodol yn y prosiect.

2. Bod yn eiriolwr dros reoli cyflawniad yn ystwyth ac yn meithrin yr arferion gweithredol gorau
   • Hybu a hwyluso gwelliant parhaus i sbarduno cydweithio, i gynyddu cyflymder ac i wella ansawdd ein harferion rheoli cyflawniad
   • Rhannu gwybodaeth drwy hyfforddi a mentora
   • Cael adborth cadarnhaol, rheolaidd gan gleientiaid a'r tîm
   • Bod yn ased dibynadwy ac angenrheidiol i gleientiaid